Wednesday, October 14, 2015

ارحمونا رحم الله اهلكم

للعباقرة والمحللين السياسيين والعسكريين يلي متلين الدني تحاليل وتهاليل عن التدخل الروسي المبارك بسوريا، اليكم بعض الحقائق:

- المشكلة الكبرى انو سعر الصاروخ يلي بتطلقو السوخوي وف16 اثمن بحوالي 50 مرة من سعر المركبات المقاتلة يلي بيستعملها داعش (يلي يملك ما يزيد عن 12000 مركبة) زائد في حال كانت المركبة مليانة مقاتلين، سعرهم اقل من كلب الشيواوا تبع "باريس هلتون". لأجل هالسبب الحملات الجوية لا تنجح.

- مخازن الأسلحة هي مخططة على طريقة العصابات. يعني سعر مجموع الأسلحة والعتاد والزخيرة بكل مخزن أقل من سعر الصاروخ، و هذه المخازن عديدة وموزعة جغرافياً. يعني مستر بوتين ولو استعار حصان مار جرجس وسيف مار ايليا، ما ممكن يقضي على مخازن اسلحة داعش (بفتكر حزب الله استعمل الاستراتيجية ذاتها في حرب تموز)

الله بخليكون، حلو عن ربنا تحاليل. وماعاش تشاركونا بمعلومات مدري من وين عن سقوط المنظومة الكونية بهل يوميين. عند القيامة، الله مش بس راح يسأل شو عملت منيح وقبيح، رح يسألك ليش الجدب؟ شو عملت بالمخ يلي عطيتك اياه؟
وشكراً